上司樣樣都話 asap，又真的做得到嗎？

真 ASAP
不止是上司，很多客戶，甚至同事都愛將「Urgent」、 「盡快」掛在口邊，盡快拿到你的資料，好讓自己有更充裕的時間工作，所以弄清楚上司的 asap 即係幾時十分重要。很多時候，其實是你自己 assume 了 asap 等於即刻（唔係今日下晏，就係聽朝早）。禮貌地追問確實 deadline，除了能釐清問題，也能令上司停一停，想一想這要求是口頭禪，還是真 urgent。

Urgent 之中哪些是真 urgent
一件工作，一份報告都可以分成很多部分，上司一句「盡快」未必一定指全部，所以可以多口問多句。告訴上司，在這件事上，怎樣的資料對事情發展最有幫助，而這些最快可以甚麼時候完成，下一步的資料是甚麼，完成時間是甚麼，如此類推。

樣樣都 asap
正所謂，樣樣都 urgent，其實即係無野 urgent，你估你老細又可以同一時間處理你遞上的所有資料咩。同上，跟上司分析及釐清不同 urgent 工作要求的優先次序及影響性，然後再細分每樣工作不同部分的急切性，共同擬定可行的 deadline。

What if…
唔係個個上司都通情達理，萬一上司唔 buy 你以上的處理方法，仲覺得你唔聽話，這個時候，你仍然可以按優先序分批遞交及處理工作。 這不止是 buy time 的方法，亦可以試探出整件事的真正急切性。經你理性分析後，根本無法 asap 的事就不要勉強。急忙和時間緊迫，不止大大提高出錯機會，quality 亦一定不如理想，後果可能比遲交一兩天更嚴重。要甚麼的配合才可以 meet 到 deadline? 你有甚麼建議？最後，處理上司的 asap 要求唔係等於唔使做，而係點樣更有系統，更 smart 地完成！