善用職場說話術！開會時說話才會有人聽

「質問式」，No！
「點解無喺你部門個 report 度見到 XYZ？」、「點解你唔 XYZ？」、「點解唔可以 XYZ？」這些質問式的語句，任何人聽到都會不爽，而對方續後的回答很自然地會傾向自辯、數出你及你部門的錯處或者辯駁工作如何因為其他人而不能完成。全部都是非 solution finding 的無謂討論。

同樣的問題可以改為：「份報告如果可以包括埋 XYZ 係咪對 ABC 更有幫助？」、「我們可以多做些甚麼來達到 ABC？」以及「 如果我們能夠做到 XYZ 係咪可以幫到件事？」

「否定式」，No!
「梗係唔可行啦!」、「你咁諗梗係唔得啦!」、「 一聽就知無可能啦......」 係，一聽對方嘅意見就知行唔通，不過，如果你劈頭第一句就是負面，換來的一就是更無邏輯和多餘的自辯和解釋，或者是反擊你的建議。又是 waste gas！

試試將批評改為問取更多意見或擴闊與會同事的思考：「除咗呢個方法，你哋仲有無其他方案?」、「你剛提出嘅方法，好同壞處係咩？」、「如果你係客，你想我哋點幫你？」

「 我覺得」，No！
上司都係咁話，每次都係「我」、「我」、「我」係 OK 討厭的，當氣氛偏向反感，整面會議想順暢都幾難。說話盡量避免以「我」開頭，措辭令對方感覺被重視－「上次同類嘅 case 試過呢個方案，好似唔 work，你認為今次可以點解決？」

「我哋......」Yes！
有意無意在表達意見或提出建議時多用「我哋」，讓聽者安心大家是一 team，同坐一條船，地位均等。 「我哋......」亦發放你沒敵意，想為大家好嘅訊息。

講好話，Yes！
唔係叫你虛偽，係唔係都「Amazing！」、「好犀利」，不過多稱讚或正面鼓勵別人，你亦會得到同樣的「回禮」，即使對方的意見不是那麼精闢，你可以先表達支持，然後才提出意見！

「個場地提議都幾中 point，如果可以有一啲地方，感覺再 luxe 啲會唔會再合適啲？」想開會時自己的說話容易被聽入耳，先不要帶着復仇者聯盟的心態，謹記，負面的行為，只會帶來負面結果！