醉酒更可愛！容祖兒於阿嬌婚禮爆金句成焦點

阿嬌日前與老公「醫界王陽明」賴弘國舉行註冊儀式，阿嬌的姊妹如容祖兒、阿 Sa 蔡卓妍和鄭希怡當然都有到場。

當阿嬌與賴弘國完成交換結婚戒指儀式後，情深嘴對嘴一吻後，祖兒大叫：「好嘢！錫多啖，錫唔夠喎。」當其他人對着阿嬌高呼：「我唔捨得你嫁呀！」祖兒爆出金句：「嫁出去嘅水等如潑出去嘅女。」成為當日焦點。

阿 Sa 立即嬌正：「係咪講錯嘢呀？好似係嫁出去嘅女等如潑出去嘅水喎。」有網友之後質疑祖兒當時是否喝醉，才會講出如此爆笑又不合邏輯的金句，甚至「容祖兒 嫁出去的水」成為了當日的熱搜字。

祖兒之後於網上強調自己當時只是口誤，並無喝醉：「今日一滴酒都冇飲過囉，正日我會攞膠紙封住我個口。」

其實過往已有不少祖兒的好友爆料，公開她飲醉酒後的趣事，更指她原來飲一杯已經醉。不時會與祖兒組飲局的李克勤就曾爆料，指她飲兩杯後就會坐着睡覺，就算大家講得興高彩烈，她一樣睡得香甜。

李克勤曾笑言：「佢勁唔飲得，一杯香檳就胡言亂語，兩杯就瞓覺，會自己走去窗台瞓到一條魚一樣。」他更指有一次最嚴重，祖兒半醉的情況後，竟然走上樓找正在瞓覺的兩個兒子，嚇到李克勤老婆大叫：「你做咩啊？快啲落番黎啦！」

之前她與經理人霍汶希（ Mani ）慶祝生日時，亦曾試過醉倒在 Mani 的膊頭上，甚至連被偷吻了也不知道，她之後將相片上載於 Instagram，並留言：「要壽星女照顧我這隻醉兔，都不知甚麼構造，才三杯就要眠一眠，同場還附上兩位妙齡小公主的親吻，你知道嗎，人生最感動是，日子還是要過，但在你滿身塵土的時候，有愛你的親人，給你最安全的港口，給你肩膊，輕輕一吻，就是這麼簡單。」有網友就笑指她今次飲三杯才醉，已經比以前進步。

祖兒前年以嘉賓身分出席 Twins 舉行紅館演唱會，一上台已經表現亢奮，不但經常捉住阿 Sa 和阿嬌兩人不停攬攬，又自爆自己於台下一邊睇一邊喊，阿嬌忍不住問她：「究竟你飲咗幾多？」她立即激動回應：「我冇飲過，我冇醉! 」完美講出醉酒人士最常的對白。

 演唱會上祖兒又突然拿出手機，一邊做Live一邊與Twins合唱，又在台上跑來跑去，由頭High到尾，阿Sa都忍不住表示：「飲醉酒啊，應該係，我Feel到。」Twins亦陪祖兒唱足幾首歌，看着她又跪地又扭Patpat，場面搞笑。

之後祖兒解番當日的確有飲一點酒，但只限於在好友的面前、充滿安全感的環境中才會喝。

至於幾日後阿嬌的婚宴，新娘子曾表示要祖兒幫手頂酒。日前祖兒接受訪問時，笑言當晚會奉陪到底，但為怕飲醉失禮，頂酒部分就要其他人代勞，她更笑言：「幾杯都得嘅，頂就唔好喇，怕醉咗會失禮，他們還要求我上台講嘢，我反問是要我飲醉還是未醉的情況上去講。」

有人說飲醉後才能顯露最真實的真性情，而容祖兒這樣的性格，也太可愛了吧！