拜年應對攻略 「問答環節」
總有一齣適合你!10 部反映戀愛狀況的電影
金像獎前瞻!金馬影后加持 《七月與安生》五大看點
《星聲夢裡人》的音樂親密關係
電話不再用來打電話?這些小工具助你回到簡單生活
口碑滿載!《星聲夢裡人》入場前你要知道的事!
10 句名言,啟發你在新一年做個更好的自己
拜年應對攻略 「問答環節」
Culture

拜年應對攻略 「問答環節」

拜年應對攻略 「問答環節」
by JOVEN MAK
by JOVEN MAK
0

我從小到大都討厭拜年,認為家長將孩子排排企鬥高鬥肥瘦暗鬥靚是絕不人道的行為。青少年期,親戚間鬥的自然是仔女的成績,鬥獲獎,鬥去過邊度 exchange。不過你還可以反叛期為擋箭牌,黑面走開。

不過踏入成人世界之後,tough life begins,姨媽姑姐 Uncle Auntie 對你的前途、愛情似乎格外關心(尤其是那些自己個仔/女入咗大行,或者已經做咗外母奶奶嗰 d),必定趁一年一度團拜盛事,窮追猛打,務求得到你親口證實:「係!我係未嫁得出。」

如果不能避免拜年,我們唯有改變自己,減低情緒波動。

「有男朋友未呀?唔好成日掛住做嘢呀⋯⋯」
友善 mode:多謝關心呀!你要唔要飲多杯熱茶?天氣凍呀 Auntie。(然後走開)
胡扯 mode:名作家張愛玲講過「愛你值不值得,其實你應該知道,愛就是不問值得不值得。」。

「幾時結婚生仔呀?要趁後生呀。」
友善mode: 多謝 auntie 提點,到時我一定通知你,請教你。(然後走開)
胡扯mode: 呢輪啲霧霾好嚴重,可能要等藍天白雲再現先考慮。

「聽你阿媽講,你叻女呀,咁你搵幾錢人工啫?」
友善mode:每個父母都覺得自己嘅仔女係世界上最好㗎啦。係呢,上次你同(Uncle)去咗冰島,玩咗啲咩呀?(然後話題一直拉在冰島之旅上面,直至你要去洗手間!)
胡扯mode:Steve Jobs 講過:「質量比數量更重要。一個本壘打比兩個雙打要好。」(Quality is more important than quantity. One home run is much better than two doubles.)。

「好忙呀,點解咁耐唔來探下我哋呀?」
友善mode:聽阿媽講,你同(Uncle)去咗冰島,玩咗啲咩呀?(然後話題一直拉在冰島之旅上面,直至你要去洗手間!)
胡扯mode:我試過四日飛三個城市,最慘啲飛機餐真係超難食囉!你話係咪呀? 

其實,講咗咁多,不外乎是想告訴你: 

1. 與其被人控制話題,不如自己主導。你以為坐埋一角可以避過三姑六婆,so wrong!新年,就是 default 要傾偈,auntie 們點會捨得你一個人靜英英?主動出擊帶領話題,講下煲劇,旅行,食雞煲自助餐是我給你的 smart tips。

2. 不必 take it personal。係,八掛係乞人憎,踩中你要害就更氣頂。可是,如果你認真地回答、解釋、答辯,只會換來更多的追問。轉換角度,以輕鬆的心情應對,周星馳上身反而可以終止提問。

3. 不要預設厭惡情緒。你一副放馬過來的氣場,誰都會想走過來挑釁得。很多時親戚長輩是表達技巧不濟,所以將關心傳達成諸事八卦。不想回答的,其實禮貎地回答:多謝關心,我會努力㗎啦!就可以了。

Load More